ادراج الكسور بالعربى فى ثانيتين من الأجزاء السريعة

يعتبر معرض الأجزاء السريعة من أهم ميزات أوفيس 2010 واللى بتديلك وصول سريع لعناصر المستند زي المعادلات ، الرموز ، أو الحواشى السفلية .

تم اضافة 1/2 لمعرض الأجزاء السريعة 

دلوقتى بقا الكسر موجود فى منظم كتل البناء ، وهوا ثالث اختيار فى تبويب Quick parts ضمن قائمة Insert .

إنشاء كتلة بناء جديدة

عن طريق الخاصية دى تقدر تضيف أي حاجة بتكتبها على وورد 2010 لمعرض الأجزاء السريعة زي 1/2 مثلاُ . كل اللى مطلوب بعد ما تكتب البسط والمقام تضغط على Alt F3 أو تنقر السهم أسفل المعادلة وتختار Save as new equation ، تكتب نصف فى أول خانة وموافق .

كتابة نصف بالأرقام العربية

علشان لغة المعادلات الأساسية انجليزى محتاج تضغط Normal text و Alt Shift يمين قبل ما تكتب البسط والمقام بالعربى .

ادراج بسط ومقام من قائمة معادلة

لو معندكش فكرة عن كتابة المعادلات السريعة ، اختار معادلة من قائمة Insert أو اضغط Alt = لفتح المحرر ، واختار Stacked fraction من تبويب Fraction .

كتابة باقى الكسور بالأرقام العربية

بنفس الخطوات اللى فاتت تقدر تكتب باقى الكسور من الكيبورد . وتقدر تطبق ده على معظم نسخ وورد زي 2010 ، 2007 ، 2013 ، 2016 ، ..