لو PDF مش قابل نسخ أو تعديل اكتبه وورد .
معظم ملفات PDF مبتقبلش النسخ والتعديل، لإن الغرض الأساسى منها هو الطباعة، لكن بعض الملفات بتقبل النسخ، زي اللي كانت مكتوبة وورد واتحفظت PDF .
ده بالإضافة ان فيه برامج زي Adobe Acrobat ومواقع زي Google Drive بتقدر تحول جزء كبير من النص، وبتتعرف على جزء كبير من خطوط اليد باستخدام خاصية التعرف البصرى على الحروف (OCR) ، لكن معظم البرامج مدفوعة، أو محتاجة تفعيل، ومعظم المواقع مبتنسخش 100% من النص، ولو نسخت مش هتنقل التنسيق زي ما هو .
تحويل PDF إلى وورد بنسبة 100% مع الحفاظ على التنسيق
وظيفة التايبست الأساسية هي نقل النصوص من الصور وملفات PDF إلى وورد بسرعة مع التنسيق وتدقيق الأخطاء الإملائية .
معظم التايبست متعودين على قراءة خطوط اليد . ولو التايبست معرفش يقرأ الكلمة بيعرفها من سياق الجملة، بيسيب مكانها فاضى، أو بيكتب مكانها 3 علامات استفهام، وبيعرفها بعد ما صاحب الشغل يراجع النسخة الدرافت .
باختصار، التايبست هينسخ 100% من النص، وينقل الجداول والأشكال التلقائية بنفس تنسيقها.
تحويل ملفات وورد إلى PDF بأسرع طريقة
بعد ما صاحب الشغل يراجع النسخة الدرافت، وادخل تعديلاته على وورد، بطبع نسخة ثانية مفيهاش علامات استفهام ولا أخطاء املائية، وبحفظ اللي كتبته وورد بتنسيق PDF، نسخة متنسقة جاهزة للطباعة .
ازاي بحول نص مكتوب وورد إلى PDF
- بضغط على مفتاح F12
- بغير مكان حفظ الملف
- بختار PDF من القائمة المنسدلة بجوار Save as type
- وبضغط Save
فك قفل ملفات PDF المحمية بكلمة مرور
بعض ملفات PDF اللي بتقبل النسخ بتبقا محمية بكلمة مرور . ودي ممكن تفكها باستخدام موقع Sodapdf، أو برنامج Free pdf password remover tool، وتبدأ في نسخ النص ، لكن هتحتاج تعيد تنسيق الملف من جديد .
تعليقات
إرسال تعليق